୧୮ ଜାନୁଆରୀ ୨୦୨୬ ତାରିଖରେ ବଲାଙ୍ଗୀର ବନ ବିଭାଗ ଅଧୀନ ସମସ୍ତ ୧୧ଟି ରେଞ୍ଜର ଗୁରୁତ୍ୱପୂର୍ଣ୍ଣ ଜଳାଶୟ ଓ ଜଳାଭୂମିଗୁଡ଼ିକରେ ଏସିଆନ୍ ୱାଟରଫାଉଲ୍ ବର୍ଡ ସେନସସ୍ ସଫଳତାର ସହ ଅନୁଷ୍ଠିତ ହୋଇଛି। ଏହି ଗଣନା କାର୍ଯ୍ୟକ୍ରମରେ ବନ କର୍ମଚାରୀ, ପକ୍ଷୀ ବିଶେଷଜ୍ଞ, ସ୍ୱେଚ୍ଛାସେବୀ ଓ ପ୍ରକୃତି ପ୍ରେମୀମାନେ ଯୋଗଦାନ କରିଥିଲେ। ବିଭିନ୍ନ ପ୍ରଜାତିର ଜଳଚର ପକ୍ଷୀଙ୍କ ଉପସ୍ଥିତି, ସଂଖ୍ୟା ଓ ଆବାସ ସ୍ଥଳୀର ତଥ୍ୟ ସଂଗ୍ରହ କରାଯାଇଛି। ଏହି ସେନସସ୍ ମାଧ୍ୟମରେ ପକ୍ଷୀ ସଂରକ୍ଷଣ ସହିତ ସହିତ ଜଳାଭୂମି ସୁରକ୍ଷା ପାଇଁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିବ ବୋଲି ବନ ବିଭାଗ ପକ୍ଷରୁ କୁହାଯାଇଛି।