नागपूर येथील सुप्रसिद्ध मेंदू व मज्जा रज्जू शस्त्रक्रिया तज्ञ (न्यूरो सर्जन) डॉ. चंद्रशेखर पाखमोडे यांचे निधन अत्यंत धक्कादायक आणि दुःखद असल्याची भावना मुख्यमंत्री देवेंद्र फडणवीस यांनी व्यक्त केली आहे. मध्य भारतातील वैद्यकीय क्षेत्रात त्यांनी आपल्या अचूक निदान पद्धती, शस्त्रक्रियेतील कौशल्य आणि रुग्णांसोबत जपलेल्या संवेदनशीलतेने वेगळा विश्वास निर्माण केला आहे. नागपूरच्या वैद्यकीय क्षेत्रात मागील २५ वर्षाहून अधिक काळ त्यांनी सेवा दिली.