జమ్మలమడుగు: జమ్మలమడుగు : మట్కా, క్రికెట్ బెట్టింగ్, గ్యాంబ్లింగ్ జరగకుండా కఠిన చర్యలు చేపట్టాలి - జిల్లా ఎస్పి నచికేత్ విశ్వనాథ్
India | Oct 29, 2025
కడప జిల్లా జమ్మలమడుగు సబ్ డివిజన్ పరిధిలో మట్కా, క్రికెట్ బెట్టింగ్, గ్యాంబ్లింగ్ తదితర అసాంఘిక కార్యకలాపాలు జరగకుండా కఠిన చర్యలు చేపట్టాలని బుధవారం జిల్లా ఎస్పి షెల్కే నచికేత్ విశ్వనాథ్ పోలీస్ అధికారులను ఆదేశించారు. జమ్మలమడుగు అర్బన్ పోలీస్ స్టేషన్ లో సబ్ డివిజన్ లోని సి.ఐ లు, ఎస్ఐ లతో సమీక్ష సమావేశం నిర్వహించారు. ఈ సందర్బంగా జిల్లా ఎస్పి మాట్లాడుతూ తీవ్రమైన కేసుల గురించి ఆరా తీశారు. సబ్ డివిజన్ పరిధిలోని జాతీయ రహదారిపై పెట్రోలింగ్ నిర్వహించాలని ఆదేశించారు. రౌడీ షీటర్ల కదలికలపై నిఘా ఉంచాలని, రాత్రి పూట నేరాలు జరగకుండా గస్తీ పెంచాలని సూచించారు.