ସୋର: ବିଦୁ ପେଟ୍ରୋଲପମ୍ପ ନିକଟରୁ ପିକଅପ ଲୁଟ ଘଟଣାରେ ଜଣେ ଅଭିଯୁକ୍ତ ଗିରଫ
Soro, Balasore | Oct 23, 2025 ସୋର ଥାନା ୧୬ ନମ୍ବର ଜାତୀୟ ରାଜପଥ ବିଦୁ ନିକଟରୁ ପିକଅପ ଡ୍ରାଇଭରଙ୍କୁ ମାଡ ମାରି ଗାଡି ଚୋରି କରିଥିବା ଘଟଣାରେ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ସୋର ପୁଲିସ। ସୁଚନା ଅନୁସାରେ ଗତ ସେପ୍ଟେମ୍ବର ମାସ ୨୫ ତାରିଖ ରାତିରେ ଚୌଦ୍ୱାର ଥାନା ଶାଳଗାଁ ଗ୍ରାମର ଦିପ୍ତିବାନ କାନୁନଗୋ ଓଆର ୦୫ ଏଜି ୨୭୮୪ ନମ୍ବର ବିଶିଷ୍ଟ ପିକଅପ ଭ୍ୟାନ ନେଇ ବାରିପଦାରୁ କଟକ ଅଭିମୁଖେ ଫେରୁଥିବା ବେଳେ ସୋର ଥାନା ୧୬ ନମ୍ବର ଜାତୀୟ ରାଜପଥ ବିଦୁ ଛକ ନିକଟରେ ଚାହା ପିଇବାକୁ ଓହ୍ଲାଇବା ସମୟରେ ତିନିଜଣ ଯୁବକ ଏକ ବାଇକରେ ଆସି ତାଙ୍କୁ ମାଡ ମାରି ଆହତ କରିବା ସହିତ ଧାରୁଆ ଅସ୍ତ୍ର ଦେଖାଇ ପିକଅପଟିକୁନେଇଥିଲେ।