ପୁଇଁନ୍ତଲା ରେ ଆୟୋଜିତ ବିରାଟ ଧନୁଯାତ୍ରା ମହୋତ୍ସବ ୨୦୨୫ ର ସପ୍ତମ ସନ୍ଧ୍ୟା ଆଜି ଭକ୍ତମାନଙ୍କ ଭିଡ଼ରେ ଉତ୍ସବମୟ ହୋଇଉଠିଛି। ଏହି ପବିତ୍ର ଅବସରରେ ଆଜି ରାତି ୮ଟା ସମୟରେ ମୁଖ୍ୟ ଅତିଥି ଭାବରେ ଯୋଗ ଦେଲେ ବଲାଙ୍ଗୀର ପୌରପାରିଷଦ ଅଧ୍ୟକ୍ଷା ଶ୍ରୀମତୀ ଲିକା ସାହୁ। ଧର୍ମୀୟ ଆସ୍ଥା ଓ ଐତିହ୍ୟର ସଂମିଳିତ ଏହି ବିଶାଳ ମଞ୍ଚରେ ସେ ମହୋତ୍ସବ କମିଟିଙ୍କ ପ୍ରୟାସକୁ ସ୍ୱାଗତ କରି, ସମାଜରେ ସଂସ୍କୃତି, ଏକତା ଓ ଧର୍ମୀୟ ପରମ୍ପରାକୁ ଅଗ୍ରସର କରିବାରେ ଏପରି କାର୍ଯ୍ୟକ୍ରମ ମହତ୍ତ୍ୱପୂର୍ଣ୍ଣ ଭୂମିକା ନିଭାଉଥିବା କଥା କହିଛନ୍ତି।