પોતાની વિવિધ પડતર માંગણીઓને લઈને બેન્ક યુનિયન્સ દ્વારા આપવામાં આવેલા હડતાળના એલાનના પગલે આજે સમગ્ર રાજ્યની સાથે પાટડી અને આસપાસના તાલુકાઓમાં પણ તેની વ્યાપક અસર જોવા મળી છે. પાટડી શહેર અને તાલુકાની વિવિધ રાષ્ટ્રીયકૃત બેંકોના કર્મચારીઓ હડતાળમાં જોડાતા આજે બેંકોના શટર ડાઉન રહ્યા હતા અને કામકાજ સંપૂર્ણપણે ઠપ થઈ ગયું હતું. તહેવારો કે સામાન્ય કામકાજના દિવસોમાં અચાનક આવેલી આ હડતાળને કારણે કરોડોનું ક્લિયરિંગ અટકી પડ્યું છે.