देवळाली नगरपालिकेसाठी २० डिसेंबर रोजी मतदान होत असून प्रचाराला चांगलाच जोर आला आहे. दरम्यान, देवळाली येथील शिवसेनेचा प्रचार फलक अज्ञात व्यक्तींनी पाडल्याची घटना घडली. या प्रकारामुळे काही काळ परिसरात तणावपूर्ण वातावरण निर्माण झाले होते. घटनेचा निषेध करताना शिवसेनेचे नेते प्रशांत मुसमाडे यांनी आरोप केला की, आमच्या विजयाची खात्री झाल्याने विरोधकांच्या पायाखालची वाळू घसरली आहे. अशा प्रकारच्या कृत्यांमुळे निवडणुकीच्या निकालात कोणताही बदल होणार नाही. असे त्यांनी स्पष्ट केले.
