આદિપુરમાં પિટમન્સ ગેસ એજન્સી વોર્ડ ૧/એ, ખાતે ખાતે આજે વહેલી સવારથી જ ગ્રાહકોની લાંબી કતારો જોવા મળી હતી. ખાસ કરીને ગૃહિણીઓ અને મધ્યમવર્ગીય પરિવારો કલાકો સુધી લાઈનમાં ઉભા રહ્યા છતાં સિલિન્ડર માટે ટોકન ન મળતા ભારે રોષ ફાટી નીકળ્યો હતો. પરિસ્થિતિ એટલી હદે વણસી હતી કે ભીડને કાબૂમાં લેવા માટે પોલીસ બંદોબસ્ત ગોઠવવો પડ્યો હતો.પોલીસની હાજરી વચ્ચે પણ ગેસના બાટલા માટે ધક્કામુક્કી સર્જાઈ હતી.અંતે આદિપુર પોલીસની કલાકોની જહેમત બાદ પરિસ્થિતિ કાબુમાં આવી હતી.