ଆଜି ଦେଓଗାଁ ଅବସ୍ଥିତ ପଞ୍ଚାୟତ ସମିତି ମହାବିଦ୍ୟାଳୟ ପ୍ରାଙ୍ଗଣରେ ସଞ୍ଚୟ ଓ ଆର୍ଥିକ ସେବା ବିଭାଗ ଏବଂ ଜିଲ୍ଲା ପ୍ରଶାସନଙ୍କ ମିଳିତ ଉଦ୍ୟମରେ ଆର୍ଥିକ ସାକ୍ଷରତା ଓ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରରେ ଛାତ୍ରଛାତ୍ରୀ ଓ ସାଧାରଣ ଜନତାଙ୍କୁ ସଞ୍ଚୟର ଗୁରୁତ୍ୱ, ସୁରକ୍ଷିତ ନିବେଶ ପ୍ରଣାଳୀ ସହିତ ସାଇବର ଠକେଇରୁ କିପରି ସତର୍କ ରହିବା, ସେ ସମ୍ପର୍କରେ ବିସ୍ତୃତ ତଥ୍ୟ ଦିଆଯାଇଥିଲା। ବକ୍ତାମାନେ ଆର୍ଥିକ ସଚେତନତା ଦ୍ୱାରା ଆତ୍ମନିର୍ଭର ଓ ସୁରକ୍ଷିତ ଭବିଷ୍ୟତ ଗଢ଼ି ଉଠିବାର ଆହ୍ୱାନ ଦେଇଥିଲେ।