धुळे शहरातील साक्री रोडवरील विद्यावर्धिनी कॉलेज परिसरात महानगरपालिकेच्या पाईपलाईनचा व्हॉल्व लिकेज झाल्याने मोठ्या प्रमाणात पाण्याची नासाडी होत आहे. माजी नगरसेवक हर्षकुमार रेलन यांनी ही बाब उघड करत सांगितले की, दर मिनिटाला १३ लिटर, तर दररोज तब्बल १८ हजार ७०० लिटर पाणी वाया जात आहे. यामुळे दररोज सुमारे दोन लाख रुपयांचं नुकसान होत असून, प्रशासनाने तातडीने दुरुस्ती करावी, अशी मागणी त्यांनी केली आहे.