માંડવી તાલુકામાં મિત્રતા અને ભાગીદારીના નાણાકીય મનદુઃખે અંતે એક મિત્રે બીજા મિત્રનો જીવ લઈ લીધો હોવાનો ચોંકાવનારો બનાવ સામે આવ્યો છે. હત્યા બાદ આરોપીએ સીધો પોલીસ મથકે જઈ આત્મસમર્પણ કરી દીધું હતું. પ્રાથમિક માહિતી મુજબ, માંડવી તાલુકાના કોડાય ગામે રહેતા વિજય મનુભાઈ વૈષ્ણવ (ઉંમર ૪૭) અને તેમના પાર્ટનર પરિમલ બિહારીલાલ પંડ્યા બંને પાણી પુરવઠા તથા નર્મદા નિગમના સિવિલ કોન્ટ્રાક્ટર તરીકે ભાગીદારી પેઢી ચલાવતા હતા.