धुली वदंन च्या उत्साहात एक हृदयद्रावक घटना समोर आली आहे. खेळताना अंगावर पिचकारीने पाणी उडवले या शुल्लक कारणावरून एका निर्दयी आजीने आपल्या साडेतीन वर्षांच्या नातवावर उकळते पाणी ओतले. ही धक्कादायक घटना सीसीटीव्ही कॅमेऱ्यात कैद झाली आहे. मंगळवारी सकाळी साडेतीन वर्षांचा चिमुकला ओम आपल्या पिचकारीने खेळत होता. खेळता खेळता त्याने आपली आजी सिंधू ठाकरे हिच्यावर पाणी उडवले. नातवाच्या या खोडकरपणाचा आजीला इतका राग आला की, तिने कसलाही विचार न करता बालकावर उकळते पाणी ओतले.