ବାତ୍ୟା ମୋନ୍ଥା ସ୍ଥଳଭାଗ ଛୁଇଁ ସାରିଥିବା ବେଳେ ଏହା ପ୍ରଭାବରେ ମୟୁରଭଞ୍ଜ ଜିଲ୍ଲାବ୍ୟାପି ତୁହାକୁ ତୁହା ବୃଷ୍ଟିପାତ ଜାରି ରହିଛି। ବୁଧବାର ମଧ୍ୟରେ ମୟୁରଭଞ୍ଜ ଜିଲ୍ଲାର ଉଦଳାରେ ସର୍ବାଧିକ ୧୦୫ମିମି ବୃଷ୍ଟିପାତ ରେକର୍ଡ କରାଯାଇଛି। ଯାହାକି ଜିଲ୍ଲାରେ ସର୍ବାଧିକ ଥିବା ବେଳେ ରାଜ୍ୟର ଚତୁର୍ଥ ସର୍ବାଧିକ ବୃଷ୍ଟିପାତ ଅଟେ। ସେହିପରି କପ୍ତିପଦା ଓ ବେତନଟୀରେ ୮୫ମିମି, ବାଲିମୁଣ୍ଡୁଲିରେ ୭୫ମିମି, ଜିବି ନଗରରେ ୭୧ମିମି ବୃଷ୍ଟିପାତ ରେକର୍ଡ କରାଯାଇଛି।