धुळे महानगरपालिका निवडणूक शांततेत पार पाडण्यासाठी जिल्हा पोलीस दल सज्ज झाले असून, आर्वी शिवारातील फायरिंग रेंजवर आज महत्त्वपूर्ण सराव सत्र पार पडले. पोलीस अधीक्षक श्रीकांत धीवरे यांच्या नेतृत्वाखाली सर्व पोलीस ठाणे प्रभारी अधिकाऱ्यांनी गोळीबाराचा प्रत्यक्ष सराव केला. निवडणुकीच्या संवेदनशील काळात कायदा व सुव्यवस्था राखण्यासाठी पोलीस प्रशासन पूर्णतः तयार असल्याची ग्वाही यावेळी देण्यात आली.