સુરત શહેરમાં આજે વહેલી સવારથી જ વાતાવરણમાં પરિવર્તન જોવા મળ્યું છે. સવાર થી બપોરે 12 વાગવા છતાં હવામાં ઝેરી ધુમ્મસ (Smog) છવાયેલું રહ્યું હતું, જેના કારણે વિઝિબિલિટીમાં મોટો ઘટાડો નોંધાયો છે,ખાસ કરીને તાપી નદીના તટ અને શહેરના મુખ્ય માર્ગો પર વાહનચાલકોને ધોળે દિવસે હેડલાઇટ ચાલુ રાખવાની નોબત આવી હતી. સામાન્ય રીતે ચોખ્ખી દેખાતી સૂર્યપુત્રી તાપીનો પટ આજે પ્રદૂષણની સફેદ ચાદર નીચે ઢંકાયેલો જોવા મળ્યો હતો, જે શહેરની બગડતી હવાની ગુણવત્તાનો પુરાવો છે.