ప్రకాశం జిల్లా గిద్దలూరు పట్టణ పరిసర ప్రాంతాలలో బుధవారం రాత్రి ఓ మోస్తరు వర్షం కురిసింది. బుధవారం పగటిపూట ఉష్ణోగ్రతలు కొంత వరకు పెరగడంతో ప్రజలు ఇబ్బందులు పడ్డారు. రాత్రి సమయంలో అకస్మాత్తుగా వాతావరణం లో మార్పులు చోటుచేసుకొని ఓ మోస్తరు వర్షం కురవడంతో ప్రజలు ఉక్కపోత నుంచి ఉపశమనం పొందారు. అయితే బలమైన ఈదురు గాలులు లేకపోవడం వల్ల విద్యుత్ సరఫరాకు అంతరాయం ఏర్పడలేదు.