ବାମରା ପ୍ରସିଦ୍ଧ ମକର ମହୋତ୍ସବ ପାଇଁ ସୋମବାର ଦିନ ପାରମ୍ପରିକ ଗୌନ୍ତିଆ ବରଣ ଏବଂ ନିମନ୍ତ୍ରଣ ପ୍ରଥା ଅନୁଷ୍ଠିତ ହୋଇଯାଇଛି। ପୂର୍ବବତ ମକର ସଂକ୍ରାନ୍ତି ତିଥିରେ ବାମରା ଗୋବିନ୍ଦପୁର ର ପାଲ ବନ୍ଶୀୟ ଜମିଦାର ମାନେ ଶ୍ରୀ ଜୀଉଙ୍କ ମୁଖ୍ୟ କର୍ତ୍ତା ଭାବେ ଦାୟିତ୍ୱ ନିର୍ବାହ କରି ଆସୁଥିଲେ। ଏହି ପରିପ୍ରେକ୍ଷୀରେ ଗତ କିଛି ବର୍ଷ ଧରି ସ୍ଥାନୀୟ ଗଜପତି ଜମିଦାର ସଞ୍ଜୀବ ପାଲ ଉକ୍ତ ଗୁରୁ ଦାୟିତ୍ତ୍ୱ ନିର୍ବାହ କରି ଆସୁଛନ୍ତି। ମକର ସଂକ୍ରାନ୍ତି ଉପଲକ୍ଷେ ପାରମ୍ପରିକ ରୀତିନୀତି, ମକର ମେଳଣ, ପୂଜାର୍ଚ୍ଚନା, ଛେରା ପହଁରା, ଆଦିର ସମ୍ପାଦନା ପରିପ୍ରେକ୍ଷୀରେ ତାଙ୍କୁ ନିମନ୍ତ୍ରିତ କରାଯାଇଛି।