అనంతపురం జిల్లా సింగనమల నియోజకవర్గం లోని సింగనమల మండలం పెద్ద జలాలపురం వద్ద ద్విచక్ర వాహనం అదుపుతప్పి బోల్తా పడిన ఘటనలో అదే గ్రామానికి చెందిన నారాయణ అనే వ్యక్తికి తీవ్ర గాయాలయ్యాయి. జలాలపురం వద్ద క్రాస్ నుంచి తన గ్రామానికి వెళుతుండగా ద్విచక్ర వాహనం అదుపుతప్పి బోల్తాపడడంతో ఈ ప్రమాదం చోటు చేసుకుంది. దీంతో అతనిని అనంతపురం ప్రభుత్వ సర్వజన ఆస్పత్రికి చికిత్స నిమిత్తం తరలించారు. ఈ ఘటనకు సంబంధించి పోలీసులు కేసు నమోదు చేసుకుని దర్యాప్తు చేస్తున్నారు.