ବଲାଙ୍ଗୀର ଜିଲ୍ଲା ରାନିପାଲି ଗାଁର ଭୁଲା ଗଡତ୍ୟାଙ୍କ ଦ୍ଵିତୀୟ ବିବାହ ନେଇ ଚାଞ୍ଚଲ୍ୟ। ପ୍ରଥମ ସ୍ତ୍ରୀ ମୀନା ଗଡତ୍ୟାଙ୍କ ଅଭିଯୋଗ ଅନୁସାରେ, ବିବାହ ପରେ ଏକ କନ୍ୟା ସନ୍ତାନ ହୋଇଥିବା ସତ୍ତେ ସ୍ଵାମୀ ତାଙ୍କୁ ନିର୍ଯ୍ୟାତନା ଦେଇ ଘରୁ ବାହାର କରିଥିଲେ। ପରେ ଅନ୍ୟ ଜଣେ ବିବାହିତ ମହିଳା ସହ ଅବୈଧ ସମ୍ପର୍କ ରଖି ଦ୍ଵିତୀୟ ବିବାହ କରିଥିବା ଅଭିଯୋଗ ମୀନା ତୁଳିଛନ୍ତି। ସ୍ଵାମୀଙ୍କ ବିରୁଦ୍ଧରେ ସେ ସଦର ଥାନାରେ ଲିଖିତ ଅଭିଯୋଗ କରିଛନ୍ତି ଏବଂ ଝିଅକୁ ଫେରାଇ ଦେବା ପାଇଁ ଦାବି କରିଛନ୍ତି।