वाशिम: लाच मागणीप्रकरणी धनज येथील पोलिस कॉन्स्टेबलवर गुन्हा दाखल, लाचलुचपत प्रतिबंधक विभागाची कारवाई, आरोपी फरार
जुगार रेडच्या गुन्ह्यात नाव न टाकण्यासाठी आणि दुचाकी जप्त न करण्यासाठी ५ हजार रुपयांची लाच मागितल्याच्या आरोपाखाली धनज पोलीस ठाण्यातील कॉन्स्टेबल शेखर श्रीधर तायडे (वय ३८, रा. श्रद्धा नगर, कौलखेड, अकोला; सध्या शिक्षक कॉलनी, कारंजा, जि. वाशिम) यांच्यावर भ्रष्टाचार प्रतिबंधक कायद्यांतर्गत गुन्हा दाखल करण्याची प्रक्रिया सुरू झाली आहे. लाचलुचपत प्रतिबंधक विभाग (ला.प्र.वि.), वाशिम युनिटने ही कारवाई हाती घेतली असून, आरोपी फरार असल्याने शोधपथक रवाना करण्यात आले आहे.