દિલ્હીગેટ સ્ટેશન રોડ પર ગુરુવારે બપોરના 12:30 વાગ્યાના સમય દરમિયાન અકસ્માતની ઘટના બની હતી. મહારાષ્ટ્ર પાર્સિંગની સરકારી બસના ચાલકે જોયા મૂક્યા વિના જ ટર્ન મારતા મોપેડ સવાર મહિલા અને તેના બે બાળકોને અડફેટે લીધા હતા. જોકે આ ઘટનામાં ચમત્કારિક રીતે ત્રણેયનો આબાદ બચાવ થયો હતો. અકસ્માતની આ સમગ્ર ઘટના ત્યાં લાગેલા સીસીટીવી કેમેરામાં પણ કેદ થઈ હતી. જ્યાં ઘટના બનતા ની સાથે લોકોના ટોળા પણ ત્યાં એકત્ર થઈ ગયા હતા.બસચાલક પ્રત્યે લોકરોષ જોવા મળ્યો હતો.