ભરૂચ: વગુશણા ગામ પાસે ટોયોટો શો રૂમની સામે અજાણ્યા વાહન ચાલકે બાઇકને ટક્કર મારતા બાઈક સવારનું ગંભીર ઇજાઓના પગલે મોત થયું હતું
ભરૂચના લલ્લુભાઈ ચકલા વિસ્તારમાં આવેલ વૈકુંઠ રેસિડેન્સીમાં રહેતા કોકિલાબેન મેકવાનના પતિ ભુપેન્દ્ર દુધાભાઈ મેકવાન પોતાની બાઈક લઈ વડોદરા ખાતે જઈ રહ્યા હતા તે દરમિયાન ભરૂચ-વડોદરા હાઇવે ઉપર વગુશણા ગામ પાસે ટોયોટો શો રૂમની સામેથી પસાર થઈ રહ્યા હતા.તે સમયે પૂરપાટ ઝડપે ધસી આવેલ અજાણ્યા વાહન ચાલકે બાઈક સવારને ટક્કર મારતા અકસ્માત સર્જાયો હતો. આ અકસ્માતમાં ગંભીર ઇજાઓને પગલે તેઓનું મોત નીપજ્યું હતું.અકસ્માત અંગે નબીપુર પોલીસે ગુનો નોંધી તપાસ હાથ ધરી છે.