ప్రకాశం జిల్లా తాళ్లూరు మండల శివారు ప్రాంతంలో కోడిపందాలు సందడిగా సాగాయి. సంక్రాంతి పండుగ సందర్భంగా కోడిపందాలదారులు బారులు తీరారు. మొదటిసారి నిర్వహించడంతో చుట్టుపక్కల ప్రజలు భారీ ఎత్తున పాల్గొన్నారు. నిర్వాహకులు కట్టుదిట్టమైన భద్రతతో పాటు వచ్చిన వారికి ప్రత్యేక దుకాణాలను ఏర్పాటు చేశారు. పందాలు చూడడానికి వచ్చిన జనాలతో ఆ ప్రాంతం అంత కిక్కిరిసిపోయింది.