ରେଢ଼ାଖୋଲ ଅଞ୍ଚଳରୁ ଗୋ ଚାଲାଣ ବନ୍ଦ ପାଇଁ ଉପଖଣ୍ଡ ଆରକ୍ଷୀ ଅଧିକ୍ଷକ ଙ୍କ ଠାରେ ଦାବି କଲା ବିଜେପି lଦିନକୁ ଦିନ ରେଢାଖୋଲ ଅଂଚଳରେ ଗୋ ମାଫିଆଙ୍କ ସଂଖ୍ୟା ବୃଦ୍ଧି ପାଉଛି । ଯାହା ଫଳରେ ସମ୍ବଲପୁର-କଟକ ଜାତୀୟ ରାଜପଥ ଓ ରାଂଚି-ବିଜୟୱାଡା ରାଜପଥରେ ବଡ ବଡ କଂଟେନର ସାହାଯ୍ୟରେ ଗୋରୁମାନଙ୍କୁ ଅତି ଦୟନୀୟ ଅବସ୍ଥାରେ ବାନ୍ଧି ବାହାର ରାଜ୍ୟକୁ ଚାଲାଣ କରାଯାଉଅଛି । ତାହା ସହିତ ଉପଖଣ୍ଡର ରେଢାଖୋଲ, ନାକଟିଦେଉଳ, କିସିଣ୍ଡା, ଯୁଯୋମୁରା ଓ କଦଳୀଗଡ ଜଙ୍ଗଲ ମଧ୍ୟରେ ରାତିରେ ଗୋ ମାଫିଆମାନେ ଗୋ ଚାଲାଣ କରୁଥିବାର ନଜିର ରହିଛି ।