ধেমাজি: চৰকাৰে শীঘ্ৰে মূল্যবৃদ্ধি ৰোধ নকৰিলে আন্দোলনৰ সন্মুখীন হ'বলৈ সাজু হওঁক-সদৰত অসম জাতীয়তাবাদী যুৱ পৰিষদৰ জিলা সভাপতিৰ মত
সোমবাৰে ধেমাজি জিলা সদৰত অসম জাতীয়তাবাদী যুৱ পৰিষদৰ জিলা সমিতিৰ সভাপতি সঞ্জীৱ চেতিয়াই দেশত লোকসভা নিৰ্বাচন চলি থকাৰ মাজতেই পুনৰ মূল্যবৃদ্ধি হোৱাক লৈ সংবাদ মাধ্যমৰ সন্মুখত আন্দোলনৰ হুংকাৰ দি প্ৰতিক্ৰিয়া প্ৰকাশ কৰে। জাতীয়তাবাদী নেতাগৰাকীৰ মতে নিৰ্বাচনৰ মাজতেই হোৱা মূল্যবৃদ্ধিৰ ফলত সাধাৰণ জনতাৰ জীয়াই থকাৰ অসুবিধা হৈছে, গতিকে চৰকাৰে অতি শীঘ্ৰেই মূল্যবৃদ্ধি ৰোধ কৰিব লাগে।