राहुरी तालुक्यातील देवळाली नगरपरिषद हद्दीतील शेटेवाडी येथील जिल्हा परिषद प्राथमिक शाळेची इमारत अत्यंत जीर्ण अवस्थेत असून ती कधीही कोसळण्याची शक्यता निर्माण झाली आहे. इमारतीचे प्लास्टर कोसळणे, भेगा पडणे यामुळे विद्यार्थ्यांच्या सुरक्षिततेचा गंभीर प्रश्न निर्माण झाला आहे.या गंभीर परिस्थितीची दखल घेत वंचित बहुजन आघाडीचे तालुका अध्यक्ष संतोष शेळके यांनी शाळेची प्रत्यक्ष पाहणी करून स्थितीची माहिती घेत संबंधित विभागीय अधिकाऱ्यांशी दूरध्वनीद्वारे दखल घेण्याची मागणी केली आहे.
