जालना जिल्ह्यात प्रतिबंधित गुटखा आणि सुगंधित तंबाखूची साठवणूक व विक्री करणार्यांविरुद्ध स्थानिक गुन्हे शाखेने मोठी कारवाई केली. गुरुवार दि. 11 डिसेंबर 2025 रोजी सायंकाळी 6 वाजता मिळालेल्या माहितीनुसार दोन दुकानांवर छापा टाकून एकूण 1 लाख 41 हजार 066 रुपयांचा मुद्देमाल जप्त करण्यात आला. या प्रकरणात एक दुकान चालक आणि एक विधीसंघर्षग्रस्त बालक यांच्याविरुद्ध गुन्हा दाखल करण्यात आला आहे. जिल्ह्यात अवैध तंबाखू पदार्थांची विक्री होत असल्याची माहिती मिळाल्यानंतर ही कारवाई करण्यात आली.