नरखेड ते मोवाड रोडवर अवैध आणि निर्दयतेने जनावरांची वाहतूक करणाऱ्या दोन वाहनांवर नरखेड पोलिसांनी धाड टाकून कारवाई केली आहे. या कारवाईत ५ गोवंश (बैल) जनावरांची सुटका करण्यात आली असून एकूण ६ लाख ७५ हजार रुपयांचा मुद्देमाल जप्त करण्यात आला आहे. याप्रकरणी आरोपी गोपाल शिवलाल कवडती , जावेद युसूफ शेख , चंद्रभान मारोतराव कोसरे आणि सुरज सीताराम सिंगर विरुद्ध गुन्हा दाखल करण्यात आला आहे.