આજે તારીખ 14/01/2026 બુધવારના રોજ રાત્રે 7 કલાક સુધીમાં લીમડી સહિત સમગ્ર તાલુકામાં આજે ઉત્તરાયણ પર્વની પરંપરાગત ઉત્સાહ અને ઉલ્લાસ સાથે ધામધૂમથી ઉજવણી કરવામાં આવી. વહેલી સવારથી જ આકાશમાં રંગબેરંગી પતંગો ઉડતાં જોવા મળ્યા હતા, જેમાં બાળકો, યુવાનો તેમજ વડીલોએ પણ ઉત્સાહપૂર્વક ભાગ લીધો હતો.ઘરોની છતોથી લઇ ખુલ્લા મેદાનો સુધી લોકો પતંગ ચગાવવાની મસ્તીમાં ગરકાવ થયા હતા. “કાઈ પો છે”ના બૂમ સાથે આખો તાલુકો આનંદ અને ઉલ્લાસના માહોલમાં છવાઈ ગયો હતો.