ସ୍କୁଲ ଯାଇ ଜଣେ ଛାତ୍ର ନିଖୋଜ ହୋଇଥିବା ଘଟଣାକୁ ନେଇ ଅଞ୍ଚଳରେ ଚିନ୍ତା ବଢ଼ିଛି। ନିଖୋଜ ଛାତ୍ରଜଣକ ପଥରଚେପା ଆଶ୍ରମର ବୋଲି ଜଣାପଡ଼ିଛି। ଛାତ୍ରର ନାମ ଟିଙ୍କୁ ବନଗୁଲା। ସକାଳେ ସ୍କୁଲକୁ ଯାଇଥିବା ପରେ ସେ ଆଶ୍ରମକୁ ଫେରିନଥିବାରୁ ଆଶ୍ରମ ପକ୍ଷରୁ ବହୁ ସ୍ଥାନରେ ଖୋଜାଖୋଜି କରାଯାଇଥିଲା। କିନ୍ତୁ କୌଣସି ସନ୍ଧାନ ମିଳିନଥିବାରୁ ଆଜି ରାତି ପ୍ରାୟ ୮ଟା ସମୟରେ ସଦର ଥାନାରେ ଆଶ୍ରମ ପକ୍ଷରୁ ଲିଖିତ ଅଭିଯୋଗ କରାଯାଇଛି। ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
