ବାମରା ଠାରେ ପଶ୍ଚିମ ଓଡ଼ିଶା ପ୍ରସିଦ୍ଧ ମକର ମହୋତ୍ସବ ଚାଲିଥିବା ବେଳେ ଯାତ୍ରା କମିଟି କାର୍ଯ୍ୟାଳୟ ଠାରେ ଗୋବିନ୍ଦପୁର ପୋଲିସ ପକ୍ଷରୁ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି। ଗୁରୁବାର ସନ୍ଧ୍ୟା ୭ ଟାରେ ଆୟୋଜିତ ହୋଇଥିବା ଉକ୍ତ ସମୀକ୍ଷା ବୈଠକ ରେ ଗୋବିନ୍ଦପୁର ଥାନା ଅଧିକାରୀ ରାଜେନ୍ଦ୍ର କୁମାର ବେହେରା ଯୋଗ ଦେଇ ମକର ଯାତ୍ରା ଭଲେଣ୍ଟିଅର୍ ମାନଙ୍କୁ ଯାତ୍ରା ପରିଚାଳନା, ସାଂସ୍କୃତିକ କାର୍ଯ୍ୟକ୍ରମ ସମୟରେ ଭଲେଣ୍ଟିଅର୍ ମାନଙ୍କ ଭୂମିକା ଓ ଶାନ୍ତି ଶୃଙ୍ଖଳା ରକ୍ଷା ନେଇ ବିଭିନ୍ନ ପରାମର୍ଶ ଦେଇ ଥିଲେ। ପରେ ମେଳା ସ୍ଥଳ ପରିଦର୍ଶନ କରି ଆଇନ ଶୃଙ୍ଖଳା ପରିସ୍ଥିତି ବୁଝିଥିଲେ।