जालना तालुक्यातील रामनगर जवळील जालना-मंठा महामार्गावरील सावरगाव हडप शिवारात असलेल्या हॉटेल साईच्छा येथे सुरु असलेल्या कुंटणखान्यावर मौजपुरी पोलिसांनी धाड टाकत मोठी कारवाई केली.गुरुवार दि.25 डिसेंबर 2025 रोजी सायंकाळी 5 वाजता मिळालेल्या माहितीनुसार या कारवाईत एकूण 92 हजार 900 रुपयांचा मुद्देमाल जप्त करण्यात आला असून हॉटेल मालक, मॅनेजर आणि एका ग्राहकाला अटक करण्यात आली आहे. जालना-मंठा महामार्गावर रामनगर जवळ सावरगाव हडप शिवारातील हॉटेल साईच्छा येथे वेश्याव्यवसाय सुरू असल्याची माहीती होती.