राहुरी तालुक्यातील आडगाव येथील अण्णासाहेब म्हसे यांच्या घरात विषारी जातीचा घोणस साफ आढळून आल्याने परिसरात काही काळ गोंधळ निर्माण झाला. अचानक घरात साप दिसताच कुटुंबीयांनी तत्काळ सर्पमित्रांना संपर्क साधला. राहुरी शहरातील सर्पमित्र कृष्णा पोपळघट यांनी तात्काळ घटनास्थळी धाव घेत सुरक्षितरीत्या त्या घोणस सापास पकडून निसर्ग सानिध्यात सोडून दिले आहे. त्यानंतर म्हसे कुटुंबीयांसह ग्रामस्थांनी सुटकेचा निश्वास सोडला आहे.
