महाराष्ट्र आणि गोवा बार कौन्सिलच्या वतीने तळोजा येथे उभारण्यात आलेल्या, भारतातील पहिल्या 'भारतरत्न डॉक्टर बाबासाहेब आंबेडकर अॅडव्होकेट ट्रेनिंग अँड रिसर्च सेंटर'चे लोकार्पण मुख्यमंत्री देवेंद्र फडणवीस यांच्या उपस्थितीत शनिवारी पार पडले. या ऐतिहासिक वास्तूचे उद्घाटन भारताचे सरन्यायाधीश न्यायमूर्ती भूषण गवई यांच्या हस्ते करण्यात आले, तर कार्यक्रमाच्या अध्यक्षस्थानी मुंबई उच्च न्यायालयाचे मुख्य न्यायमूर्ती चंद्रशेखर होते.कार्यक्रमाच्या सुरुवातीला राज्याचे उपमुख्यमंत्री अजित पवार यांना भावपूर्ण श्रद्धांजली अर्पण करण्यात आली.