ରବିବାର କଲମପୁର ବ୍ଲକ ସଦର ମହକୁମା ର ସାପ୍ତାହିକ ବଜାର। କଲମପୁର ପଞ୍ଚାୟତ ଅଧିନରେ ରହିଛି ଏହି ବଜାର। ଯାହା କଲମପୁର ଜୁନାଗଡ଼ ମୁଖ୍ୟ ରାସ୍ତାର ପାର୍ଶ୍ୱରେ ଥିବା ପଡ଼ିଆରେ ବସିଥାଏ। ବଜାର ପାଇଁ ପର୍ଯ୍ୟାପ୍ତ ପଡିଆ ରହିଛି। କିନ୍ତୁ ପଞ୍ଚାୟତ ର ଅବହେଳା ଏବଂ ପୁଲିସ ପ୍ରଶାସନର ନିରବତା ଯୋଗୁଁ କ୍ଷୁଦ୍ର ବ୍ୟବସାୟୀ ମାନେ ରାସ୍ତା କଡ଼ରେ ପସରା ମେଲାଇ ବେପାର କରୁଛନ୍ତି। ଏହି ରାସ୍ତା ଦେଇ ଆମ୍ବୁଲାନ୍ସ, ଭାରି ଯାନ ଆଦି ଯାତାୟତ କରୁଛି। ବଜାର ପାଇଁ ଯାନବାହାନ ଚଳାଚଳ ବାଧାପ୍ରାପ୍ତ ହେଉଥିବା ନେଇ ରବିବାର ଅଞ୍ଚଳବାସୀ ପ୍ରତିକ୍ରିୟା ରଖିଛନ୍ତି।