भोकरदन तालुक्यातील हसनाबाद पोलिस ठाणे हद्दीत ऊस तोडीच्या पैशाच्या व्यवहारातील वादामुळे चाळीस वर्षीय महिलेचा खून झाल्याची धक्कादायक घटना उघडकीस आली आहे. शनिवार दि. 6 डिसेंबर 2025 रोजी सायंकाळी 6 वाजता मिळालेल्या माहितीनुसार जवखेडा बुद्रुक परिसरात ही घटना घडली असून पोलिसांनी केवळ दोन तासांच्या आत आरोपीला बेड्या ठोकत तत्पर कारवाई केली. मिळालेल्या माहितीनुसार, ऊस तोडीच्या पैशांच्या देवाणघेवाणीवरून झालेल्या वादातून आरोपी असलेल्या मुकादमाने संबंधित महिलेचा खून केल्याचा संशय होता.