தனியார் யூடியூப் சேனலின் நெறியாளர் முக்தார் அகமது, முன்னாள் முதல்வர் கல்விக்கண் தந்த காமராஜரைப் பற்றிய தவறான தகவலை அவதூறாக பேசியதற்கு தமிழகத்தில் தொடர்ந்து கண்டனங்கள் வலுத்து வருகிறது. இந்நிலையில், தூத்துக்குடி மாநகர் மாவட்ட காங்கிரஸ் கமிட்டி சார்பில் மாநகர் மாவட்ட தலைவர் சி. எஸ். முரளிதரன் தலைமையில், விவிடி சிக்னல் அருகில் நூற்றுக்கும் மேற்பட்ட காங்கிரஸ் கட்சியினர் கலந்துகொண்டு, பெருந்தலைவர் காமராஜர் குறித்து இழிவாக பேசிய முக்தார் அகமதுவைகண்டித்து கண்டன ஆர்ப்பாட்டம் நடைபெற்றது.