అసిఫాబాద్: వర్షపు నీటిని పొదుపు చేయాలి: ఆసిఫాబాద్ జిల్లా కలెక్టర్ వెంకటేష్ ధోత్రే
Asifabad, Komaram Bheem Asifabad | Sep 17, 2025
భూగర్భ జలాన్ని అభివృద్ధి చేసేందుకు వర్షపు నీటిని పొదుపు చేయాలని జిల్లా కలెక్టర్ వెంకటేష్ దోత్రే అన్నారు. బుధవారం ASF జిల్లా కలెక్టరేట్ లో భూగర్భ నీటి వనరుల శాఖ ఆధ్వర్యంలో ఏర్పాటు చేసిన సమావేశంలో నీటిపారుదల,శాఖల అధికారులతో సమీక్ష నిర్వహించారు. ప్రతి వర్షపు నీటి బొట్టును ఒడిసి పట్టుకుని భూమిలో ఇంకెలా చర్యలు తీసుకోవాలని, నీటిని పొదుపుగా వినియోగించాలని తెలిపారు. జిల్లాలో వ్యవసాయ రంగానికి చెరువులు, కాలువలు, బావులు, బోరుబావుల ద్వారా సాగునీటిని అందించడం జరుగుతుందని తెలిపారు. నీటి వనరుల శాఖ ఆధ్వర్యంలో నీటి పొదుపు పై ప్రత్యేక కార్యచరణ రూపొందించాలని తెలిపారు.