అనంతపురం జిల్లా ఉల్లికల్లులో దారుణం, వివాహితపై కన్నేసిన గ్రామానికి చెందినవారు, అడ్డు చెప్పడంతో విచక్షణారహితంగా దాడి
Anantapur Urban, Anantapur | Nov 12, 2025
అనంతపురం జిల్లా సింగనమల నియోజకవర్గం లోని సింగనమల మండలం ఉల్లికల్లులో దారుణమైన ఘటన చోటుచేసుకుంది. ఉల్లికల్లు గ్రామానికి చెందిన అంకిత అనే వివాహితను బలవంతం చేసేందుకు ప్రయత్నించిన వారిని అడ్డుకున్నందుకు వారి కుటుంబ సభ్యులపై విచక్షణారహితంగా దాడి చేసి గాయపరిచిన సంఘటన గురువారం రాత్రి చోటుచేసుకుంది. దీంతో ఐదు మందికి రాడ్లు కట్టెలతో విచక్షణారహితంగా దాడి చేసి గాయపరిచినారు. గాయపడిన వారిని అనంతపురం ప్రభుత్వ సర్వజన ఆసుపత్రికి చికిత్స నిమిత్తం తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.