ભાવનગર લોકલ ક્રાઈમ બ્રાન્ચની ટીમે મોતી તળાવ વિસ્તારમાં જાહેરમાં જુગાર રમતા ત્રણ ઈસમોને ઝડપી લીધા. લોકલ ક્રાઈમ બ્રાન્ચ કચેરી શહેરી વિસ્તારમાં પેટ્રોલિંગમાં હતા. તે દરમિયાન બાતમી મળી હતી કે, કુંભારવાડા મોતી તળાવ વિસ્તારમાં કેટલા ઈસમો જાહેરમાં જુગાર રમી રહ્યા છે. જે બાતમીના આધારે પોલીસે રેડ કરી જાહેરમાં જુગાર રમતા ત્રણ ઈસમોને રોકડ રકમ રૂપિયા 37,900 ના મુદ્દામાલ સાથે ઝડપી લીધા હતા અને આગળની તપાસ હાથ ધરી હતી.