కడప జిల్లా ఎస్పీ షెల్కే నచికేత్ విశ్వనాథ్ ఆదేశాల మేరకు నేరనియంత్రణ, శాంతిభద్రతల పరిరక్షణలో భాగంగా కడప నగరంలోని చిన్నచౌకు పోలీసు స్టేషన్ పరిధిలోని రౌడీ షీటర్లకు, నేరచరిత్ర గలవారికి చిన్నచౌకు సి.ఐ ఓబులేసు శుక్రవారం కౌన్సిలింగ్ నిర్వహించారు.ఈ సందర్భంగా ఆయన సత్ప్రవర్తనతో జీవించాలని, నేర ప్రవృత్తికి స్వస్తి పలకాలని, చట్ట వ్యతిరేక కార్యకలాపాలకు దూరంగా ఉండాలని వారికి సూచించారు.చట్ట వ్యతిరేక కార్యకలాపాలలో పాల్గొంటే తప్పనిసరిగా చట్టప్రకారం కఠిన చర్యలు తీసుకోవడం జరుగుతుందని సిఐ ఓబులేసు హెచ్చరించారు.ఈ కార్యక్రమంలో చిన్నచౌకు ఎస్ఐ రాజరాజేశ్వర రెడ్డి, సిబ్బంది పాల్గొన్నారు.