ଆଜି ବଲାଙ୍ଗିର ଜିଲ୍ଲାପାଳଙ୍କ ଅଧ୍ୟକ୍ଷତାରେ ଲୋଇସିଂହା ବ୍ଲକ ଅନ୍ତର୍ଗତ ଲୋଇସିଂହା ସମବାୟ ସମିତି ଠାରେ ଜିଲ୍ଲା ସ୍ତରୀୟ ଖରିଫ ବିପଣନ ବର୍ଷ ୨୦୨୫-୨୬ ପାଇଁ ଧାନ କ୍ରୟ ପ୍ରକ୍ରିୟାର ଶୁଭାରମ୍ଭ କରାଗଲା। ଚାଷୀମାନଙ୍କୁ ନ୍ୟାୟସଂଗତ ଦରରେ ଧାନ ବିକ୍ରୟ ସୁବିଧା ଯୋଗାଇବା ଲକ୍ଷ୍ୟରେ ଏହି ପ୍ରକ୍ରିୟା ଆରମ୍ଭ ହୋଇଛି। ଜିଲ୍ଲାପାଳ ଧାନ କ୍ରୟ କେନ୍ଦ୍ରର ବ୍ୟବସ୍ଥା ପରୀକ୍ଷଣ କରି ଚାଷୀମାନଙ୍କ ସହ ଆଲୋଚନା କରିଥିଲେ। ଏହା ସହ ନିୟମିତ ଓ ସୁସଂଗଠିତ ଭାବେ କ୍ରୟ କାର୍ଯ୍ୟ ସମ୍ପାଦନ ପାଇଁ ନିର୍ଦ୍ଦେଶ ମଧ୍ୟ ଜାରି କରାଯାଇଛି।