ખંભાત નગરપાલિકાના વિરોધ પક્ષ દ્વારા સત્તાધારી પક્ષ પર ભ્રષ્ટાચારના આકરા પ્રહારો કરવામાં આવ્યા છે. ગતરોજ મળેલી સામાન્ય સભામાં રજૂ કરાયેલા ત્રિમાસિક હિસાબોમાં સ્મશાન પાછળ થયેલા તોતિંગ ખર્ચ સામે ગંભીર સવાલો ઉઠાવવામાં આવ્યા છે.જે બાદ વિરોધ પક્ષ દ્વારા સ્મશાન ગૃહની રિયાલિટી ચેક કરવામાં આવી હતી. મહત્વનું છે કે, ઓક્ટોબરથી ડિસેમ્બર 2025-26ના ત્રિમાસિક ગાળામાં સ્મશાન સંચાલન ખર્ચ રૂ. 2,90,950 અને લાકડાનો ખર્ચ રૂ. 5,39,249 દર્શાવવામાં આવ્યો છે.