બિલીમોરા GIDC ખાતે નવસારી જિલ્લા પોલીસ તંત્ર દ્વારા “ત્રણ વાત તમારી, ત્રણ વાત અમારી” અંતર્ગત સંવાદથી સુરક્ષા કાર્યક્રમનું આયોજન કરવામાં આવ્યું હતું. કાર્યક્રમની અધ્યક્ષતા નવસારી જિલ્લા પોલીસ અધિક્ષક શ્રી રાહુલ પટેલે કરી હતી, જેમાં પોલીસ તંત્ર અને ઉદ્યોગકારો વચ્ચે સુરક્ષા તેમજ ટ્રાફિક સંબંધિત મહત્વપૂર્ણ મુદ્દાઓ પર ચર્ચા થઈ. ઉદ્યોગકારોએ પોલીસ વેરિફિકેશન, સીસીટીવી કેમેરા સ્થાપના, ટ્રાફિક નિયમન અને કોરોના કાળના કેસો જેવા પ્રશ્નો રજૂ કર્યા હતા.