खुलताबाद-फुलंब्री रोडवरील गदाना गावाजवळ अशोक लेलँड (MH20 GC 3052) आणि बुलेट दुचाकी यांच्यात भीषण अपघात झाला. या अपघातात बुलेटवर प्रवास करणाऱ्या दोघांपैकी एकाचा जागीच मृत्यू झाला. दुसरा जखमी गंभीर अवस्थेत असून त्याला तात्काळ संभाजीनगर येथे उपचारासाठी हलवण्यात आले आहे. अपघातानंतर अशोक लेलँडचा चालक पोलिसांच्या ताब्यात घेण्यात आला आहे. माहिती मिळताच पोलीस घटनास्थळी दाखल झाले. या घटनेचा पुढील तपास खुलताबाद पोलिसांकडून सुरू आहे.