धुळे शहरातील गुरुद्वाराचे प्रमुख बाबा धीरज सिंग यांच्यावर झालेल्या प्राणघातक हल्ल्याची गंभीर दखल घेत पोलिसांनी विशेष तपास पथक (SIT) स्थापन केले आहे. पोलिस अधीक्षक श्रीकांत धिवरे यांच्या आदेशानुसार एसडीपीओ राजकुमार उपासे यांच्या नेतृत्वाखाली चार वरिष्ठ अधिकाऱ्यांची नियुक्ती करण्यात आली आहे. सोमवारी सेवेकऱ्याने तलवारीने केलेल्या हल्ल्यात बाबा धीरज सिंग व आणखी एक जण जखमी झाले असून, एसआयटी हा मामला सखोल तपासणार आहे.