धुळे तालुक्यातील आर्वी शिवारात पोलिसांनी गुप्त माहितीच्या आधारे छापेमारी करून नाल्यालगत ओसाड ठिकाणी लावलेली ५ ते ६ फूट उंचीची चार गांजाची झाडे जप्त करून नष्ट केली. त्यांची किंमत सुमारे १ लाख ३० हजार रुपये आहे. या प्रकरणी अज्ञात व्यक्तीविरुद्ध गुन्हा दाखल करण्यात आला असून, जिल्हा पोलिस अधीक्षकांच्या मार्गदर्शनाखाली एलसीबीसह पथकाने कारवाई केली. पुढील तपास पोलीस उपनिरीक्षक छाया पाटील करत आहेत.