नाशिक | अंबड पोलिसांनी नायलॉन मांजाची विक्री करणाऱ्या तीन जणांवर गुन्हा दाखल केला आहे. आयटीआय सिग्नल ते खुटवड नगर रोडवरील इंडियन ऑईल पेट्रोल पंपाजवळ कारवाई करण्यात आली. पोलिसांनी दिलेल्या माहितीनुसार, आरोपी रेहान शेख (17), जावेद खान (20) आणि ओमकार जगताप हे नायलॉन मांजाची बेकायदेशीर विक्री करताना पकडले. त्यांच्या ताब्यातून १०,००० रुपये किंमतीचा नायलॉन मांजा आणि ८०,००० रुपये किंमतीची मोटारसायकल जप्त करण्यात आली. पोलिस आयुक्तांनी जारी केलेल्या नायलॉन मांजा बंदी नुसार गुन्हा दाखल झाला आहे.