जालना: व्यसनमुक्तीसाठी पालकांचे समुपदेशनही गरजेचे:सुनिलभाई रायठ्ठा;व्यसनमुक्तीसाठी पोलीस,डॉक्टर,सामाजिक संस्था एकत्र
जालना जिल्ह्यात व्यसनाधीनतेला आळा घालण्यासाठी जिल्हा पोलीस दलाने सामाजिक संस्था, वैद्यकीय क्षेत्रातील प्रतिनिधी आणि प्रशासन यांच्या समन्वयातून सेफ जालना अभियानाची सुरुवात केली आहे. या अभियानाच्या अनुषंगाने बुधवार दि. 11 मार्च रोजी दुपारी 4 वाजता पोलीस अधीक्षक कार्यालयात महत्त्वपूर्ण बैठक आयोजित करण्यात आली. या बैठकीला मेडीकल प्रतिनिधी, सामाजिक संस्था, डॉक्टर तसेच विविध विभागांचे अधिकारी उपस्थित होते. बैठकीदरम्यान जालना जिल्ह्यातील व्यसनाधीनतेची समस्या, त्यामागील कारणे यावर चर्चा झाली.