ખંભાત સિટી પોલીસ સ્ટેશન દ્વારા વિવિધ ગુનાઓ અને અરજીઓના આધારે ટ્રેકિંગ હાથ ધરવામાં આવ્યું હતુ.લાંબા સમયથી ગુમ થયેલા કુલ 39 મોબાઈલ ફોન શોધી કાઢવામાં આવ્યા હતા.ત્યારબાદ પોલીસ મથક ખાતે આયોજિત એક વિશેષ કાર્યક્રમમાં મોબાઈલના અસલ માલિકોને બોલાવી, કાયદેસરની કાર્યવાહી બાદ તેમના ફોન પરત સોંપવામાં આવ્યા હતા. "પોતાનો ગુમ થયેલો કિંમતી મોબાઈલ ફરી હાથમાં આવતા નાગરિકોના ચહેરા પર ખુશી જોવા મળી હતી અને તેઓએ ખંભાત પોલીસની કાર્યક્ષમતાનો આભાર માન્યો હતો.